Страница 3 из 3
Шахлодан тилак сизга:
« Еганингиз ош бўлсин! »
Асло кетиб қолмангиз,
Ўқиб сира толмангиз.
Шу чиройли ҳуснингиз
Бир умр йўқотмангиз!
Гулистонда учрашдик
Шундан бери биргамиз
Худо хоҳад Мастчоҳга
Биргалашиб борамиз!!!
ЎЗИМНИНГ УЙИМ …
Бугун қаршингизда ҳисобот бериб
Беш ўқитувчи турар беш юлдуз бўлиб.
Ҳаяжонда сизга нутқин сўзлайди,
Ҳар бир суханидан маъно излайди.
Ватанга садоқат билдирмоқ учун,
Халққа ўз меҳрини етказмоқ учун –
Боласин ардоқлаб тарбия берар,
Тарбиялаб туриб таълим ҳам берар.
Рухсат беринг, атайин, ўз ҳақимда айтайин:
Менинг касбим – ўқитувчи, ҳунарим бор – тикувчи,
Бир ўғил ва бир қизнинг онасиман севувчи.
Менинг умр йўлдошим – ҳар ишимда йўлбошчим.
Ота онам бойлигим – соғ бўлишсин илойим
Укаларим бахтига – суянган тоғ бўлайин
Қайнона қайнотамнинг дуоларин олайин...
Саккизинчи синфнинг раҳбариман, мен ўзим
Уларнинг ҳар биттаси, менинг қошим ҳам кўзим.
Маориф йилида сиз маърифатлироқ бўлинг,
Техника ривожига сиз ҳам ҳиссангиз қўшинг
Маданият бобида ўзни имтиҳон қилинг –
Муаллимга берилган имконият бу билинг!
Ҳудуди тоғли ўлка – бу бизнинг таърифимиз
Дарёлару ўрмонлар энг нозик томонимиз
Муҳтарам президентимиз доим халқни ўйлайдилар
Ишонинг улар бизни ҳақ йўлга бошлайдилар!
Ихтиролар қилайлик, фазоларга учайлик
Авлоду аждодларнинг фахри бу биз бўлайлик.
Шоирнинг бир сўзини айтиб берай сизларга
Токи бу ибрат бўлсин барча ўғил қизларга:
Катта шаҳардир балки Париж, Лондон, Рим
Улардан яхшироқдир ўзимнинг уйим.
2010-йил,
йил ўқитувчиси конкурсига
БОШҚАЧА ЭДИ...
Баҳор қайтди, қалдирғоч қайтди лекин
Ҳамма жам бўлса ҳам нимадир камдек
Дадамнинг аламли кўзлари ғамгин,
Учта бўлиб беролмадик меҳр укамдек...
Ҳа, у бошқа эди –– бошқача эди
Кўнглингиз эритиб айтарди сўзин
Жамшид ҳам, Лобар ҳам ва мен ўзим ҳам
Уни соғиниб яшаймиз, ёш тўла кўздир...
Сиздек биз ҳам эслаймиз уни ҳар куни
Ҳатто сурати ҳам сўзлаётгандай
Унутмаймиз Хуршеджонни биз умр бўйи
Кўзни юминг –– ўша қомат...сарвдир бўйи...
Бу дунё ўткинчи –– алдоқчи дунё
Лекин алдолмайди Она юрагин
Ота бардошини синайди гўё
Яқинларни олиб кўзни нурдан этади жудо...
Дардингизга дармон бўлай, Онажон
Белингизга қувват бўлай, дадажон
Дунёнинг жами-ки ғамини енгай
Бахтимизга омон бўлсин укам Жамшиджон.
Қушлар сайрамаса –– баҳор баҳормас
Гуллар очилмаса –– боғлар боғ эмас
Энди чорак ёшга кирган эрка қизингиз
Ўзи йиғламаса –– бу шеър шеър эмас.
Математика шундай илм-ки, унинг шайдоси бўлган одам камгина бўлса-да ҳаёлпарастроқ, салгина бўлса-да, «овсарроқ» бўлиб қолади. Чунки бу фан шундай «дурдоналардан» иборат-ки, улар инсоннинг фикру ёдини «ўғирлаб» бутун вужудини қамраб олади. Математика билан озгина бўлса-да, завқ билан шуғулланган одамгина шундай касалликка мубтало бўлади. Бундай инсонлар кейинчалик математикасиз тура олмайдиган, математика сўзини эшитганда худди ўзининг исмини эшитгандек «лаббай» дейдиган бўлади. Албатта математиканинг бундай «салбий» таъсиридан ташқари яна бошқа қирралари ҳам мавжуд, масалан бундай инсонлар шеърият шайдоси бўлишади. Чунки шеър бу инсоннинг маънавий луғатида мавжуд бўлган сўзлар комбинациясидан иборат бўлган кичик мажмуадир. Комбинациялар эса математиканинг бир бўлаги ҳолос. Комбинациянинг гўзал бўлиши эса математикларга хос бўлган ҳислатлар уйғунлигига боғлиқдир, яъни сабр-тоқат, изланиш ва тасаввуру фаразга. Шундай экан, айтишимиз мумкин-ки, ҳақиқий математик шеърият шайдоси бўлади ва керак бўлса, ўзи ҳам шеър ёза олади...
Замондошингиз : Де ҳқонова Шахло
Бу математиклар шоирликка даъво қилишсин ёки барча математиклар шеър ёзади ёки барча шоирлар бу математиклар дегани эмас. Албатта, бу ҳар бир инсоннинг ўз психологияси ва консепсиясига боғлиқ ҳолатлардир. Лекин шуни комил ишонч билан айта оламан-ки, бизнинг оилада барча шеърият шайдосидир ва ҳар биримизнинг камгина бўлса-да, математикага алоқамиз бордир.
____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
______________________________________________________________________________________________________________________________________________________________________________________________________________________________________
______________________________________________________________________________________________________________________________________________________________________________________________________________________________________
______________________________________________________________________________________________________________________________________________________________________________________________________________________________________
______________________________________________________________________________________________________________________________________________________________________________________________________________________________________