Страница 6 из 6
Пресвята́я Богоро́дице, спаси́ нас.
На нетле́нную жизнь прихожду́[151] днесь бла́гостию ро́ждшагося[152] из Тебе́, Чи́стая, и всем конце́м свет облиста́вшаго[153].
Пресвята́я Богоро́дице, спаси́ нас.
Бо́га, Его́же родила́ еси́ пло́тию, из ме́ртвых, я́коже рече́, воста́вша ви́девши, Чи́стая, лику́й, и Сего́ я́ко Бо́га, Пречи́стая, возвелича́й.]
Катава́сия: Прииди́те, пи́во пие́м но́вое, не от ка́мене непло́дна чудоде́емое, но нетле́ния исто́чник из гро́ба одожди́вша Христа́, в Не́мже утвержда́емся.
Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в. (Трижды)
Диакон: Па́ки и па́ки ми́ром Го́споду помо́лимся.
Хор: Го́споди, поми́луй.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор: Тебе́, Го́споди.
Священник: Я́ко Ты еси́ Бог наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.
Хор: Ами́нь.
Хор: Предвари́вшия у́тро[155] я́же о Мари́и[156], и обре́тшия[157] ка́мень отвале́н от гро́ба, слы́шаху от А́нгела: во све́те присносу́щнем[158] Су́щаго, с ме́ртвыми что и́щете, я́ко челове́ка? Ви́дите гро́бныя пелены́, тецы́те[159] и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бо́га, спаса́ющаго род челове́ческий.
Песнь 4
Ирмос: На Боже́ственней стра́жи богоглаго́ливый[160] Авваку́м да ста́нет с на́ми и пока́жет светоно́сна А́нгела, я́сно глаго́люща: днесь спасе́ние ми́ру, я́ко воскре́се Христо́с, я́ко всеси́лен.
Христо́с воскре́се из ме́ртвых.
Му́жеский у́бо пол, я́ко разве́рзый де́вственную утро́бу[161], яви́ся Христо́с; я́ко челове́к же, А́гнец нарече́ся; непоро́чен же, я́ко невку́сен[162] скве́рны, на́ша Па́сха, и я́ко Бог и́стинен соверше́н рече́ся[163].
Христо́с воскре́се из ме́ртвых.
Я́ко единоле́тный[164] а́гнец, благослове́нный нам вене́ц Христо́с, во́лею за всех закла́н бысть, Па́сха чисти́тельная[165], и па́ки из гро́ба кра́сное[166] пра́вды нам возсия́ Со́лнце.
Христо́с воскре́се из ме́ртвых.
Богооте́ц у́бо Дави́д пред се́нным[167] ковче́гом скака́ше игра́я[168], лю́дие же Бо́жии святи́и, образо́в сбытие́[169] зря́ще, весели́мся Боже́ственне, я́ко воскре́се Христо́с, я́ко Всеси́лен.
Конец ознакомительного фрагмента.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
151
Перехожу.
152
Родившегося.
153
Озарившего.
154
Краткое праздничное песнопение. Название происходит от греческого слова, означающего «вслушиваться» или «внимать». В московском обиходе пасхальные ипакои поются на 8-й глас.
155
Пришедшие до рассвета.
156
Те (жены), что с Марией (Магдалиной).
157
Нашедшие.
158
Вечном.
159
Бегите.
160
Проповедующий о Боге.
161
Т. е. Младенцем мужского пола, первенцем у Своей Матери (Исх.13: 2).
162
Непричастный.
163
Зовется Совершенным.
164
Однолетний.
165
Очистительная.
166
Прекрасное.
167
Т. е. бывшим лишь тенью Нового Завета.
168
Скакал в веселии.
169
Исполнение, осуществление.