Страница 5 из 6
Священнослужители: Та́ко да поги́бнут гре́шницы от
Лица́ Бо́жия, а пра́ведницы да воз веселя́тся.
Хор: Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.
Священнослужители: Сей день, его́же сотвори́ Госпо́дь, возра́дуемся и возвесели́мся в онь[126].
Хор: Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.
Священнослужители: Сла́ва Отцу́ и Сы́ну и Свято́му Ду́ху.
Хор: Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.
Священнослужители: И ны́не и при́сно, и во ве́ки веко́в. Ами́нь.
Хор: Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.
Священнослужители: Христо́с воскре́се из ме́ртвых, сме́ртию смерть попра́в
Хор: И су́щим во гробе́х живо́т дарова́в.
Открываются двери храма. Все входят в храм и поют праздничный тропарь:
Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.
И поют, пока диакон не выйдет на ектению. Духовенство входит в алтарь.
Диакон: Ми́ром[127] Го́споду помо́лимся.
Хор: Го́споди, поми́луй. (На каждое прошение)
Диакон: О свы́шнем[128] ми́ре и спасе́нии душ на́ших, Го́споду помо́лимся.
Диакон: О ми́ре всего́ мира, благостоя́нии святы́х
Бо́жиих церкве́й и соедине́нии всех, Го́споду помо́лимся.
Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь[129], Го́споду помо́лимся.
Диакон: О вели́ком господи́не и отце́ на́шем, Святе́йшем Патриа́рхе Кири́лле, и о господи́не нашем
Высокопреосвяще́ннейшем митрополи́те (или: архиепи́скопе, или: Преосвяще́ннейшем епи́скопе имя епархиального архиерея), честне́м пресви́терстве[130], во Христе́ диа́констве и о всем при́чте[131] и лю́дех, Го́споду помо́лимся.
Диакон: О богохрани́мей стране́ на́шей, власте́х и во́инстве ея́, Го́споду помо́лимся.
Диакон: О гра́де сем (или: о ве́си[132] сей, или: о святе́й оби́тели сей), вся́ком гра́де, стране́ и ве́рою живу́щих в ни́х, Го́споду помо́лимся.
Диакон: О бла́горастворе́нии возду́хов[133], о изоби́лии плодо́в земны́х и вре́менех ми́рных, Го́споду помо́лимся.
Диакон: О пла́вающих, путеше́ствующих, неду́гующих[134], стра́ждущих[135], плене́нных и о спасе́нии их, Го́споду помо́лимся.
Диакон: О изба́витися нам от вся́кия ско́рби, гне́ва и ну́жды, Го́споду помо́лимся.
Диакон: Заступи́[136], спаси́, поми́луй и сохрани́ нас, Бо́же, Твое́ю благода́тию.
Диакон: Пресвяту́ю, Пречи́стую, Преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т[137] наш Христу́ Бо́гу предади́м.
Хор: Тебе́, Го́споди.
Священник: Я́ко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно, и во ве́ки веко́в.
Хор: Ами́нь.
Пасхальный канон поется полностью хором: и ирмосы, и припевы, и тропари, и катавасии. Обычно первые слова ирмоса каждой песни запевают все священнослужители. На каждой песни канона совершается каждение. При соборном служении каждение совершают все иереи поочередно.
Песнь 1[138]
Ирмос: Воскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни, и от земли́ к небеси́, Христо́с Бог нас преведе́, побе́дную пою́щия.
Христо́с воскре́се из ме́ртвых.
Очи́стим чу́вствия и у́зрим непристу́пным[139] све́том Воскресе́ния Христа́, блиста́ющася и ра́дуйтеся, реку́ща[140], я́сно да услы́шим, побе́дную[141] пою́ще.
Христо́с воскре́се из ме́ртвых.
Небеса́ у́бо досто́йно да веселя́тся, земля́ же да ра́дуется, да пра́зднует же мир, ви́димый же весь и неви́димый: Христо́с бо воста́, весе́лие ве́чное.
[Во все дни Светлой седмицы, кроме самого дня Святой Пасхи, к пасхальным тропарям добавляются Богородичные тропари.
Пресвята́я Богоро́дице, спаси́ нас.
Умерщвле́ния преде́л сломи́ла[142] еси́, ве́чную жизнь ро́ждшая Христа́, из гро́ба возсия́вшаго днесь, Де́во Всенепоро́чная, и мир просвети́вшаго.
Пресвята́я Богоро́дице, спаси́ нас.
Воскре́сшаго ви́девши Сы́на Твоего́ и Бо́га, ра́дуйся со апо́столы Богоблагода́тная[143] чи́стая: и е́же ра́дуйся пе́рвее[144], я́ко всех ра́дости вина́[145], восприя́ла еси́, Богома́ти Всенепоро́чная.]
Катава́сия: Воскресе́ния день, просвети́мся, лю́дие. Па́сха, Госпо́дня Па́сха: от сме́рти бо к жи́зни, и от земли́ к небеси́, Христо́с Бог нас преведе́, побе́дную пою́щия.
Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в. (Трижды)
Для произнесения ектений и совершения каждений диакон (со свечой в руке) во всех случаях исходит из алтаря царскими вратами.
Диакон: Па́ки[146] и па́ки ми́ром Го́споду помо́лимся.
Хор: Го́споди, поми́луй.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Диакон: Пресвяту́ю, Пречи́стую, Преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор: Тебе́, Го́споди.
Священник: Я́ко Твоя́ держа́ва и Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно, и во ве́ки веко́в.
Хор: Ами́нь.
Песнь 3
Ирмос: Прииди́те, пи́во[147] пие́м но́вое, не от ка́мене непло́дна чудоде́емое[148], но нетле́ния исто́чник из гро́ба одожди́вша[149] Христа́, в Не́мже утвержда́емся.
Христо́с воскре́се из ме́ртвых.
Ны́не вся испо́лнишася све́та, не́бо же и земля́, и преиспо́дняя: да пра́зднует у́бо вся тварь воста́ние Христо́во, в не́мже утвержда́ется.
Христо́с воскре́се из ме́ртвых.
Вчера́ спогребо́хся Тебе́, Христе́, совостаю́ днесь[150] воскре́сшу Тебе́, сраспина́хся Тебе́ вчера́, Сам мя спросла́ви Спа́се во Ца́рствии Твое́м.
126
В оный (день).
127
В мире друг с другом.
128
Т. е. небесном.
129
В него.
130
Священстве.
131
нет перевода
132
Селе.
133
Благоприятной погоде.
134
Болящих.
135
Страдающих.
136
Защити.
137
Всю жизнь.
138
По богослужебному Уставу, ирмосы пасхального канона повторяются по четыре раза, а тропари повторяются, чтобы их общее число было 12, а катавасия повторяется трижды. Но в приходских храмах принято петь канон без повторения ирмосов и тропарей.
139
Вечным, непреходящим.
140
Говорящего.
141
Т. е. победную песнь.
142
Разрушила.
143
Исполненная благодати от Бога.
144
Первое слово «Радуйся» (Лк. 1: 28).
145
Причина.
146
Снова.
147
Питие.
148
Чудесно изводимое (см. Исх. 17: 6).
149
Пролившийся.
150
Сегодня.