Дипломатия Святослава

965

В лето 6473. Иде Святославъ на козары; слышавше же козари, изндоша противу съ княземъ своимъ Каганомъ, и съступишася битися, и бывши брани, одоле Святославъ козаромъ и градъ ихъ и Белу Вежю взя. И ясы победи и касоты.

966

В лето 6474. Вятичи победи Святославъ, и дань на нихъ възложи

967

В лето 6475. Иде Святославъ на Дунай на Болгары. И бившемъся обоимъ, одоле Святославъ болгаромъ, и взя городъ 80 по Дунаеви, и седе княжа ту въ Переяславци, емля дань на грьцех.

968

В лето 6476. Придоша печенези на Руску землю первое, а Святославъ бяше Переяславци, и затворися Волга въ граде со унуки своими, Ярополкомъ и Ольгомъ и Володимеромъ, въ граде Киеве. И оступиша печенези градъ в силе велице, бещислено множьство около града, и не бе льзе изъ града вылести, ни вести послати; изнемогаху же людье гладомъ и водою. Собрашеся людье оноя страны Днепра в лодьяхъ, об ону страну стояху, и не fie льзе внити в Киевъ ни единому ихъ, ни изъ града к онемъ. И въстужиша людье въ граде и реша: «Несть ли кого, иже бы моглъ на ону страну дойти и рещи имъ: аще не подступите заутра, предатися имамъ печенегомъ?». И рече единъ отрокъ: «Азъ прейду». И реша: «Иди». Онъ же изиде изъ града с уздою, и ристаше, сквозе печенеги, глаголя: «Не виде ли коня никтоже?». Бе бо умея печенежьски, и мняхуть и своего. И яко приближися к реце, свергъ порты сунуся въ Днепръ, и побреде. Видевше же печенези, устремишася на нь, стреляюще его, и не могоша ему ничто же створити. Они же видевше с оноя страны, и приехаша в лодьи противу ему, и взяша и в лодью и привезоша и къ дружине. И рече имъ: «Аще не подступите заутра къ городу, предатися хотять людье печенегомъ». Рече же воевода ихъ, имянемъ Претичь: «Подъступимъ заутра в лодьях, и попадше княгиню и княжиче умчимъ на сю страну. Аще ли сего не створимъ, погубити ны имать Святославъ», Яко бысть заутра, вседъше в лодьи противу свету и въструбиша вельми, и людье въ граде кликнуша. Печенези же мнеша князя пришедша, побегоша разно от града. И изиде Ольга со унуки и с людми к лодьямъ. Видевъ же се князь печенежьский, възратися единъ къ воеводе Претичю и рече: "Кто се приде?". И рече ему: «Людье оноя страны». II рече князь печенежьский: «А ты князь ли еси?». Онъ же рече: «Азъ семь мужь его, и пришелъ есмь въ сторожех, и по мне идеть полкъ со княземъ, бе-щисла множьство». Се же рече, грозя имъ. Рече же князь печенежьскпй къ Претичю: «Буди ми другъ». Онъ же рече: «Тако створю». И подаете руку межю собою, и въдасть печенежьский князь Претичю конь, саблю, стрелы. Онъ же дасть ему броне, щитъ, мечь. И отступиша печенези от града, и не бяше льзе коня напоити: на Лыбеди печенези. II послаша кияне къ Святославу, глаголюще: «Ты, княже, чюжея земли ищеши и блюдеши, а своeя ся охабивъ, малы бо насъ не взяша печенези, и матерь твою и дети твои. Аще не поидеши, ни обраниши насъ, да паки ны возмуть. Аще ти не жаль очины своея, ни матере, стары суща, и дстий своих». То слышавъ Святославъ вборзе вееде на коне съ дружиною своею, приде Киеву, целова матерь свою и дети своя, и съжалися о бывшемъ от печенегъ. И собра вои, и прогна печенеги в поли, и бысть миръ.

969

В лето 6477. Рече Святославъ къ матери своей и къ боляромъ своимъ: «Не любо ми есть в Киеве быти, хочю жити в Переяславци на Дунай, яко то есть середа земли моей, яко ту вся благая сходятся: отъ Грекъ злато, поволоки, вина и овощеве разноличныя, пзъ Чехъ же, из Угорь сребро и комони, из Руси же скора и воскъ, медъ и челядь». Рече ему Волга: «Видиши мя болну сущю; камо хощеши отъ мене ити?». Бе бо разболелася уже; рече же ему: «Погребъ мя иди, ямо же хочеши». По трех днехъ умре Ольга, и плакася по ней сынъ ея, и внуци ея, и людье вси плачемъ великомь, и несоша, и погребоша ю на месте. И бе заповедала Ольга не творити трызны над собою, бе бо имущи презвутеръ, сей похорони блаженую Ольгу. Си бысть предътекущия крестьяньстей земли аки деньница предъ солнцемъ и аки зоря предъ светомъ. Си бо сьяше аки луна в нощи, тако и си в неверныхъ человецехъ светящеся аки бисеръ в кале: кальки бо беша грехомъ, неомовени крещеньемь святымь. Си бо омыся купелью святою, и совлечеся греховные одежа ветхаго человека Адама, и въ новый Адамъ облечеся, еже есть Христосъ, Мы же рцемъ к ней: радуйся, руское познанье къ богу, начатокъ примиренью быхомъ. Си первое вниде в царство небесное от Руси, сию бо хвалят рустие сынове аки началницю: ибо по смерти моляше бога за Русь. Праведныхъ бо душа не умирають, яко же рече Соломанъ: «Похваляему праведному възвеселятся людье», бесъсмертье бо есть память его, яко от бога познавается и от человекъ. Се бо вси человеци проглавляють, видяще лежащю в теле на много лета; рече бо ппорокъ: «Прославляющая мя прославлю». О сяковыхъ бо Давыдъ глаголашо: «В память вечную праведппкъ будеть, от слуха зла не убоится; готов сердце его jnouaTu на господа, утвердися сердце его и не подвяжется». Соломанъ бо рече: «Праведници въ веки живуть, и отъ господа мьзда инь есть и строенье вышняго. Сего ради приимуть царствие красоте и венець доброте от руки господня, яко десницею покрыеть я и мышцею защитить я». Защитилъ бо есть сию блажену Вольгу от противника и супостата дьявола.

970

В лето 6478. Святославъ посади Ярополка в Киеве, а Ольга в деревехъ. В се же время придоша людье ноугородьстии, просяще князя собе: «Аще не пойдете к намъ, то налеземъ князя собе». И рече к нимъ Святославъ: «А бы пошелъ кто к вамъ». И отпреся Ярополкъ и Олегь. И рече Добрыня: «Просите Володимера». Володимеръ бо бе отъ Малуши, ключнице Ользины; сестра же бе Добрынъ, отець же бе има Малъкъ Любечанинъ, и бе Добрына уй Володимеру. И реша ноугородьци Святославу: «Въдай ны Володимера». Онъ же рече имъ: «Вото вы есть». И пояша ноугородьци Володимера к собе, и иде Володимеръ съ Добрынею, уемъ своимь, Ноугороду, а Святославъ Переяславьцю.

971

В лето 6479 Приде Святославъ в Переяславець, и затворишася болгаре въ граде. И излезоша болгаре на сечю противу Святославу, и бысть сеча велика, и одоляху болгаре. И рече Святославъ воемъ своимъ: «Уже намъ еде пасти; потягнемъ мужьски, братья и дружино!» И къ вечеру одоле Святославъ, и взя градъ копьемъ, и посла къ грекомъ, глаголя: «Хочю на вы ити и взяти градъ вашь, яко и сей». И реша грьци: «Мы недужи противу вамъ стати, но возми дань на насъ, и на дружину свою, и повежьте ны, колько васъ, да вдамы по числу на главы». Се же реша грьци. льстя-че подъ Русью; суть бо греци лстивы и до сего дни. И рече имъ Святославъ: Есть насъ 20 тысящь, и прирече 10 тыеящъ, бе бо Руси 10 тысящь толко. И пристроиша грьци 100 тысящь на Святослава, и не даша дани. И поиде Святославъ на греки, и изидоша противу Руси. Видевше же Русь убояшася зело множьства вой, и рече Святославъ: «Уже намъ некамо ся дети, волею и неволею стати противу; да не посрамимъ земле Руские, но ляжемъ костьми, мертвый бо срама не имамъ. Аще ли побегнемъ. срамъ имамъ. Не имамъ убежати, но станемъ крепко, азъ же предъ вами пойду: аще моя глава ляжеть, то промыслите собою». И реша вой: «Идеже глава твоя, ту и свои главы сложимъ». И исполчишася русь, и бысть сеча велика, и одоле Святославъ, и бъжаша грьци. И поиде Святославъ ко граду, воюя и грады разбивая, яже стоять и до днешняго дне пусты. И созва царь боляре своя в полату, и рече имъ: «Што створимъ, яко не можемъ противу ему стати?» И реша ему боляре: «Поели к нему дары, искусимъ и, любьзнивъ ли есть злату, ли паволокамъ?» И посла к нему злато, и паволоки, и мужа мудра, реша ему: «Глядай взора и лица его и смысла его». Онъ же, вземъ дары, приде къ Святославу. И поведаша Святославу, яко придоша грьци с поклономъ. И рече: «Въведете я семо». Придоша, и поклонишася ему, и положиша пред нимъ злато и паволоки. И рече Святославъ, кроме зря, отрокомъ своимъ: «Схороните». Они же придоша ко царю, и созва царь боляры. Роша же послании, яко «Придохомъ к нему, и вдахомъ дары, и не возре на пя, и повеле схоронити». И рече единъ? «Искуси и еще, поели ему оружье». Они же нослушаша его, и послаша ему мечь и ино оружье, и принесоша к нему. Онъ же, приимъ, нача хвалити, и любити, и целовати царя. Придоша опять ко царю, и поведаша ему вся бывшая. И реша боляре: «Лютъ се мужь хочеть быти, яко именья не брежеть, а оружье емлеть. Имися ио дань». И посла царь, глаголя сице: «Не ходи къ граду, возми дань, еже хощеши»; за маломъ бо бе не дошелъ Царяграда. II даша ему дань; имашеть же и за убьеныя, глаголя, яко «Род его возметь». Взя же и дары многы, и възратися в Переяславець с похвалою великою. Видевъ же мало дружины своея, рече в собе: «Еда како прельетивше изъбьють дружину мою и мене», беша бо многи погибли на полку. И рече: «Пойду в Русь, приведу боле дружины». И посла слы ко цареви въ Деревьстръ, бо бе ту царь, рька сице: «Хочу имети миръ е тобою твердъ и любовь». Се же слышавъ, царь радъ бысть и поела к нему дары больше первых. Святославъ же прия дары, и поча думатя еъ дружиною своею, рька сице: «Аще не створимъ мира со царемъ, а увесть царь, яко мало насъ есть, пришедшс оступять ны въ граде. А Руска земля далеча, а печенези е нами ратьни, а кто ны поможеть? Но створимъ миръ со царемъ, се бо ны ся по дань яли, и то буди довольно намъ. Аще ли почнеть не управляти дани, да изнова из Руси, совкупивше вои множайша, поидемъ Царюгороду». Люба бысть речь си дружине, и послаша лепшие мужи ко цареви, и придоша въ Деревъстръ, и поведаша цареви. Царь же наутрия призва я, и рече царь: «Да глаголють сли рустии». Они же реша: «Тако глаголеть князь нашь: хочю имети любовь со царемъ гречьскимъ свершеную прочая вся лета». Царь же радъ бысть и повелъ писцю писати вся речи Святославля на харатью. Нача глаголати солъ вея речи, и нача писець писати. Глагола сице: «Равно другаго свещанья, бывшаго при Святославе, велицемь князи рустемь, и при Свеналъде, писано при Фефеле спнкеле и к Ивану, нарицаемому Цемьскию, царю гречьскому, въ Дерестре, месяца июля, индикта въ 14, в лето 6479. Азъ Святославъ, князь руский, яко же кляхъся, и утвержаю на свещанье семь роту свою: хочю имети миръ и евершену любовь со всякимь великимь царемъ гречьскимъ, съ Васильемъ и Костянтиномъ, и съ богодохновеными цари, и со всеми людьми вашими и иже суть подо мною Русь, боляре и прочий, до конца века. Яко николи же помышлю на страну вашю, ни сбираю вой, ни языка иного приведу на страну вашю и елико есть подъ властью гречьскою, ни на власть корсуньскую и елико есть городовъ ихъ, ни на страну бол-гарьску. Да аще инъ кто помыслить на страну вашю, да и азъ буду противенъ ему и борюся с нимъ. Яко же кляхъся ко царемъ гречьскимъ, и со мною боляре и Русь вся, да схранимъ правая съвещанья. Аще ли от техъ самехъ прежереченыхъ не съхранимъ, азъ же и со мною и подо мною, да имеемъ клятву от бога, въ его же веруемъ в Перуна и въ Волоса, скотья бога, и да будемъ золоти, яко золото, и своимъ оружьемь да исечени будемъ. Се же имейте во истину, яко же сотворихомъ пыне къ вамъ, и написахомъ на харатьи сей и своими пьчатьми запечатахомъ». Створивъ же миръ Святославъ съ греки, поиде в лодьях къ порогомъ. И рече ему воевода отень Свеналдъ: «Пойди, княже, на конихъ около, стоять бо печенези в порозех». И не послуша его и поиде в лодьяхъ. И послаша переяслав-ци къ печенегомъ, глаголюще: «Се идеть вы Святоелавъ в Русь, вземъ именье много у грекъ и полонъ бещисленъ, съ маломъ дружины». Слышавше же се печенизи заступиша пороги. И приде Святославъ къ порогомъ, и не бе льзе пройти порогъ. И ста зимовати в Белобережьи, и не бе у них брашна уже, и бе гладъ великъ, яко по полугривне глава коняча, и зимова Святославъ ту.