Страница 4 из 11
«Человеку православному подобает всячески заботиться о том, чтобы соединиться с Богом – создателем, благодетелем и высшим добром, от Которого и для Которого он создан, ибо для души, от Бога созданной, единственный предмет стремления есть только Бог. От Него она имеет жизнь и естество и в Нем должна жить вечно. Все же зримое на земле, любезное и желательное – богатство ли, слава ли, жена ли, дети ли – все прекрасное мира сего не свойственно для души, разве кое-что для тела, и, как временное, скоро проходит, словно тень. Душе, по существу вечной, негде успокоиться вечно, разве что в едином вечном Боге, как высшем своем добре, прекраснейшем, сладчайшем и любезнейшем более всех красот и стремлений, откуда произошла и куда возвратится вновь. Ибо как плоть сущая от земли в землю, так душа от Бога сущая возвращается к Богу и у него пребывает. Потому-то здесь, в этой временной жизни, нужно прилежно искать соединения с Богом, дабы в будущей жизни сподобиться быть вечно с Ним и в Нем. А соединиться с Ним каждый может только крайнею сердечною любовью. А чтобы человек возмог в своем сердце возбудить такую Божественную любовь и ею соединиться с Богом, нужно молиться часто, возводя ум свой к Богу. Тогда молитва согреет человека изнутри, просветит, научит и откроет ему непостижимые тайны своей премудрости».
(Здесь и далее цитаты из сборника «Путь ко спасению», М., 1886.)
Спаси, Господи, и помилуй рабов Твоих (имена) словесами Божественного Евангелия Твоего, читаемыми о спасении рабов Твоих сих (имена). Попали, Господи, терние всех согрешений их, вольных и невольных, и да вселится в них благодать Твоя, просвещающая, опаляющая, очищающая всего человека. Во имя Отца и Сына и Святаго Духа. Аминь.
Ирмос: Пресекаемое море жезлом древле, Израиль пройде яко по пустыни, и крестообразно яве предуготовляет стези. Сего ради поим во хвалении чудному Богу нашему, яко прославися.
Припев: Милостиве Господи, услыши молитву раб Своих, молящихся Тебе.
В день печали, нашедшия на ны, к Тебе, Христе Спасе, припадающе, Твоея милости просим. Облегчи болезнь раба Твоего, изреки нам яко и сотнику: иди, се здрав есть отрок твой.
Припев: Милостиве Господи, услыши молитву раб Твоих, молящихся Тебе.
Мольбы и моления с воздыханием к Тебе вопием, Сыне Божий, помилуй нас. Воздвигни со одра лежащаго, яко разслабленнаго словом: возьми одр твой, глаголя, отпущаются ти греси твои.
Слава: Твоего, Христе, образа подобию поклоняющеся, верою целуем, и болящему здравия просим, подражающе кровоточивей, яже подольца риз Твоих коснулся, и исцеление недуга прият.
И ныне: Пречистая Госпоже Богородице, всем известная Помощница, не презри нас к Тебе припадающих, моли яко блага Своего Сына и Бога нашего, дати здравие болящему, да Тя с нами прославляет.
Ирмос: Иже от не сущих вся приведый, словом созидаемая, совершаемая духом, Вседержителю Вышний, в любви Твоей утверди мене.
Иже от тяжких болезней на земли повержен, к Тебе, Христе, с нами вопиет, подаждь здравие телеси его, яко же Иезекии плакавшуся к Тебе. Призри, Господи, на наше смирение, и не помяни беззаконий наших, но веры ради болящаго, яко прокаженнаго словом исцели ему болезнь, да Твое, Христе Боже, славится имя.
Слава: Церковь, юже еси освятил, на ту, Христе, не даждь поношения, но воздвигни невидимо в недузе на одре лежащаго, в нейже молимтися: да не рекут невернии, где есть Бог их.
И ныне: К Твоему пречистому, Богородице, образу руце воздеюще вопием, услыши раб Твоих молитву и спаси в болезни лежащаго, да от болезни востав, воздаст обеты, яже в печали глаголаша уста его.
На одре греховнем лежаща мя, и страстьми уязвена, и якоже воздвигл еси Петрову тещу и спасе разслабленнаго носима со одром, тако и ныне посети, Милостиве, болящаго, понесый недуги рода нашего. Тебе Единаго вемы, терпелива и милосерда, милостива Врача душам и телесем, Христа Бога нашего, наводяща недуги и паки исцеляюща, подавающа прощение кающимся о согрешениих, Единаго Милосердаго и Милостиваго.
Слава: Аз грешный плачуся на одре своем лежа, прощение ми подаждь, Христе Боже, и от болезни сея воздвигни мя, и яже есмь от юности грехи сотворил, избыти ми сих молитвами Богородицы даруй.
И ныне: Умилосердися и спаси мя, воздвигни мя от одра болезненнаго, мощь бо моя во мне изнеможе и весь нечаянием одержим есмь, Мати Божия Пречистая, исцели недугующа люте, Ты бо еси Помощница христианом.
Ирмос: Положил еси к нам твердую любовь, Господи: Единороднаго бо Твоего Сына за ны на смерть дал еси, темже Ти зовем благодаряще: слава силе Твоей, Господи.
Уже отчаянна лютым недугом и к смерти приближившася, возврати, Христе, на живот и даждь плачущимся утеху, да вси прославляем Твоя святая чудеса.
К Тебе, Творче, каемся в своих гресех, яко не хощеши смерти грешничи, оживи, уздрави болящаго, да востав послужит Ти, исповедуя с нами Твою благость.
Слава: Слезы Манассиины, Ниневитян покаяние, Давидово исповедание приим, вскоре спасл еси, и наши молитвы ныне приими, даждь здравие болящему, о немже Тя молим.
И ныне: Подаждь нам Твою милость, Госпоже, всегда на Тя надеющимся, испроси здравие болящему, врачебнии Твои руце с Предтечею, Богородице, ко Господу Богу простирающи.
Ирмос: На земли Невидимый явился еси, и человеком волею сожил еси Непостижимый, и к Тебе утренююще, воспеваем Тя, Человеколюбче.
Дщерь Иаирову уже умершу, яко Бог оживил еси, и ныне возведи, Христе Боже, от врат смертных болящаго, Ты бо еси путь и живот всем.
Сына вдовича оживив Спасе, и тоя слезы преложив на радость, спаси от недуга тлеющаго раба Своего, да и наша скорбь и болезнь на радость приидет.
Слава: Огненну болезнь тещи Петрове прикосновением Твоим исцелив, и ныне востави болящаго раба Твоего, да восстав яко Иона, послужит Ти.
И ныне: Скорбнии, смиреннии, грешнии, не имущии дерзновения к Тебе, Пречистая Богомати, вопием, умоли Сына Своего Христа дати болящему здравие телеси.
Ирмос: Бездна последняя грехов обыде мя, и исчезает дух мой: но прострый, Владыко, высокую Твою мышцу, яко Петра мя, Управителю, спаси.
Бездну милосердия и милости имея, Христе Боже, услыши моления раб Твоих. Ты бо еси Петром Тавифу воскресил, Ты и ныне в болезни лежащаго воздвигни, послушав церковных молитвенник.
Врачу душам и телесем нашим, понесый недуги всего мира, Христе, и Енея Павлом исцеливый, Ты и ныне болящаго исцели святых апостол молитвами.
Слава: Преложи, Христе, на радость рыдание о недужнем скорбящем, да Твою получивше милость, внидет в дом Твой со обетными дарми, славяще Тя в Троице Единаго Бога.
И ныне: Приидите, о друзи, поклонимся молящеся о болящем Божией Матери. Та бо имеет власть недужныя исцеляти, со безмездникома вкупе, духовным невидимо помазующе маслом.
Душу мою, Господи, во гресех всяческих, безместными деяньми разслаблену воздвигни Божественным Своим человеколюбием, яко же и разслабленнаго воздвигл еси древле, да зову Ти спасаем: щедре Христе, даждь ми исцеление.
Иже руки Своея горстию содержай концы, Иисусе Боже, иже Отцу собезначальный и Духу Святому совладычествуя, яко плотию явился еси недуги исцеляя и страсти очистил еси, слепыя просветил еси, и разслабленнаго словом Божественным совоставил еси, сего право ходяща сотворив и одр повелел еси на раму взяти. Тем же вси с ним воспеваем и поем: щедре Христе, даждь ми исцеление.
Ирмос: Прежде образу златому, персидскому чтилищу отроцы не поклонишася, трие поюще посреде пещи: отцев Боже, благословен еси.