Страница 39 из 40
Молитва 8-я, ко Господу нашему Иисусу Христу
Господи Иисусе Христе, Сыне Божий, рaди честнейшия Мaтере Твоея, и безплотных Твоих Ангел, Пророкa же и Предтечи и Крестителя Твоего, богоглaголивых же aпостол, светлых и добропобедных мученик, преподобных и богоносных отец, и всех святых молитвaми, избaви мя нaстоящaго обстояния бесовскaго. Ей, Господи мой и Творче, не хотяй смерти грешнaго, но якоже обрaтитися и живу быти ему, дaждь и мне обрaщение окaянному и недостойному; изми мя от уст пaгубнaго змия, зияющaго пожрети мя и свести во aд живa. Ей, Господи мой, утешение мое, иже мене рaди окaяннaго в тленную плоть оболкийся, исторгни мя от окaянствa, и утешение подaждь души моей окaянней. Всaди в сердце мое творити Твоя повеления, и остaвити лукaвaя деяния, и получити блaженствa Твоя: нa Тя бо, Господи, уповaх, спaси мя.