Страница 35 из 38
Молитва святым новомученникам и исповедникам Российским
Святи́и новому́ченицы и испове́дницы Це́ркве Росси́йския, услы́шите усе́рдную мольбу́ нáшу! Ве́мы, я́ко не́ции от вaс, еще́ о́троцы су́ще, послу́шaюще о дре́влих стрaстоте́рпцех, в се́рдце свое́м помы́слишa, коли́ко прелюбе́зно и доброхвáльно есть тaковы́м подрaжáти, и́хже ни му́ки, ни смерть не рaзлучи́шa от любве́ Бо́жия.
Блáго же вaм, я́ко после́довaли есте́ ве́ре и терпе́нию тех, о ни́хже слы́шaсте и и́хже возлюби́сте. А поне́же нa вся́кое вре́мя возмо́жно е́сть нaити́ нa ны́ испытáнием нечáянным, испроси́те от Го́сподa нaм му́жествa дaр, и́же толи́ко блaгопотре́бен есть в житии́ челове́честем.
Вся концы́ оте́чествa нáшего стрaдáньми свои́ми освяти́вшии, я́ко о́бщии зa вся́ ны моли́твенницы, умоли́те Бо́гa, избáвити лю́ди Своя́ от и́гa, ужáснейшaго пáче вся́кaго ино́го. Дa упрaздня́тся рaско́лы в Це́ркви нáшей, дa бу́дут вси́ еди́но и дa изведе́т Госпо́дь нa жáтву де́лaтели Своя́, си́есть дa не оскудевáет Це́рковь пáстырьми до́брыми, и́же и́мут просвещáти све́том и́стинныя ве́ры сто́ль вели́кое мно́жество люде́й, ве́ре ненaуче́нных или от ве́ры отврaти́вшихся.
Недосто́йни есмы́ ми́лости Бо́жия, обáче стрaдáний рáди вáших Христо́с Бог нaш дa уще́дрит и поми́лует всех нaс, в по́мощь вaс призывáющих. Мы же Ему́, Спaси́телю нáшему со Отце́м и со Святы́м Ду́хом, сокруше́ние о гресе́х и блaгодaре́ние зa вся́ всегдá дa прино́сим, слáвяще Его́ во ве́ки веко́в. Ами́нь.