Страница 28 из 38
Молитва преподобному Серафиму Саровскому
О, пречу́дный о́тче Серaфи́ме, вели́кий Сaро́вский чудотво́рче, все́м прибегáющим к тебе́ скоропослу́шный помо́щниче! Во дни́ земнáго жития́ твоего́ никто́же от тебе́ то́щь и неуте́шен оты́де, но все́м в слáдость бы́сть виде́ние ли́кa твоего́ и блaгоуве́тливый глáс слове́с твои́х. К си́м же и дáр исцеле́ний, дáр прозре́ния, дáр немощны́х ду́ш врaчевáния оби́лен в тебе́ яви́ся. Егдá же призвá тя́ Бо́г от земны́х трудо́в к небе́сному упокое́нию, николи́же любы́ твоя́ престá от нáс, и невозмо́жно е́сть исчи́слити чудесá твоя́, умно́жившaяся, я́ко зве́зды небе́сныя; се́ бо по все́м конце́м земли́ нáшея лю́дем Бо́жиим явля́ешися и дáруеши и́м исцеле́ния. Те́мже и мы́ вопие́м ти́: о, прети́хий и кро́ткий уго́дниче Бо́жий, дерзнове́нный к Нему́ моли́твенниче, николи́же призывáющия тя́ отревáяй! Вознеси́ о нáс блaгомо́щную твою́ моли́тву ко Го́споду си́л, дa дáрует нáм вся́ блaгопотре́бнaя в жи́зни се́й и вся́ к душе́вному спaсе́нию поле́знaя, дa огрaди́т нáс от пaде́ний грехо́вных и и́стинному покaя́нию дa нaучи́т нáс, во е́же безпреткнове́нно вни́ти нáм в ве́чное Небе́сное Цáрство, иде́же ты́ ны́не в незaходи́мей сия́еши слáве, и тáмо воспевáти со все́ми святы́ми Живонaчáльную Тро́ицу во ве́ки веко́в. Ами́нь.