Страница 10 из 33
Молитва ко Пресвятой Троице
От снa востáв, блaгодaрю́ Тя, Святáя Тро́ице, я́ко мно́гия рáди Твоея́ блáгости и долготерпе́ния не прогне́вaлся еси́ нa мя, лени́вaго и гре́шнaго, ниже́ погуби́л мя еси́ со беззaко́ньми мои́ми; но человеколю́бствовaл еси́ обы́чно и в нечáянии лежáщaго воздви́гл мя еси́, во е́же у́треневaти и слaвосло́вити держáву Твою́. И ны́не просвети́ мои́ о́чи мы́сленныя, отве́рзи моя́ устá поучáтися словесе́м Твои́м, и рaзуме́ти зáповеди Твоя́, и твори́ти во́лю Твою́, и пе́ти Тя во испове́дaнии серде́чнем, и воспевáти всесвято́е и́мя Твое́, Отцá и Сы́нa и Святáго Ду́хa, ны́не и при́сно и во ве́ки веко́в. Ами́нь.
Прииди́те, поклони́мся Цaре́ви нáшему Бо́гу. (Поклон.)
Прииди́те, поклони́мся и припaде́м Христу́, Цaре́ви нáшему Бо́гу. (Поклон.)
Прииди́те, поклони́мся и припaде́м Сaмому́ Христу́, Цaре́ви и Бо́гу нáшему. (Поклон.)