Страница 5 из 6
«Благодарим Тя, о Преблагая и Пречистая, Пребла гословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь».
Мелании Римляныни перед родами
Мелания Римляныня ради любви ко Христу отказалась от власти, знатного происхождения. В 14 лет ее выдали замуж за знатного юношу Апиниана. С самого начала совместной жизни святая умоляла супруга жить с ней в непорочности. Но под давлением родителей он настоял на рождении двух детей для продолжения рода. Девочка умерла через несколько лет после родов, а мальчик умер сразу после родов. Мелания заболевает, и, видя её страдания, Апиниан даёт обет целомудрия в случае её выздоровления. Мелания выздоравливает, и Апиниан исполняет обет.
«О, преславная мати Мелание, скорая наша помощнице и заступнице и неусыпная о нас молитвеннице! Предстояще пречистому образу твоему и тя, яко живу сущу, зряще, припадающе молимся тебе: приими прошения наша и принеси я ко Престолу Милосердаго Отца Небеснаго, яко дерзновение к Нему имущая; испроси притекающим к тебе и всем православным христианом вечное спасение и временное благоденствие, на вся благая дела и начинания наша щедрое благословение, от всяких бед и скорбей скорое избавление. Ей, чадолюбивая мати наша, тебе, предстоящей Престолу Божию, ведомы нужды наша духовнии и житейскии, призри на ня матерним оком, и твоими молитвами отврати от нас колебание всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем, и словесы и писании и делами, славится среди нас Всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава, во веки веков. Аминь».
Пантелеймону Целителю об успешных родах
Пантелеймон Целитель – древний святой. Он ходил по улочкам и, когда увидел мертвого ребенка, обратился с мольбой ко Христу и попросил даровать жизнь ребенку и обещал, если это случится, стать его последователем. Свершилось чудо – ребенок ожил, Пантелеймон стал покровителем всех страждущих и болящих.
«О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте Небесней, ниже вознести глас молебный к Его в Божестве неприступней славе, сердцем сокрушённым и духом смиренным тебе, ходатая милостива ко Владьще и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоей помощи требующих. Буди нам в печалех утешитель, в недузех страждущим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель: исходатайствуй всем вся, яже ко спасению полезная, яко да твоими Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славимаго Отца и Сына и Святаго Духа, ныне и присно, и во веки веков. Аминь».
Анастасии Узорешительнице об успешных родах
Анастасия была знатной римлянкой. Наименование святой Узорешительницей трактовалось русскими так: под словами «узы» (оковы), «узилище» (тюрьма) понималась беременность женщины. Считалось, что младенец привязан пуповиной к чреву матери, а акт рождения – разрешение от обузы для матери и освобождение младенца из материнского чрева-узилища. У восточных славян святая считалась покровительницей беременных и целительницей, поэтому ей молились во время родов.
«О многострадальная и премудрая великомученице Христова Анастасие! Ты душею на Небеси у Престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящия люди и молящиеся пред мощами твоими, просящия твоея помощи, простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь: умоли Господа, да подаст всем нам христианскую кончину и добрый ответ на Страшном Суде Своем, да сподобимся мы купно с тобою славити Отца и Сына и Святаго Духа во веки веков. Аминь».
Екатерине Александрийской о рождении здорового ребенка
Екатерина родилась в III веке и выходила из благородного рода Александрийских аристократов. Екатерине приснился Господь: он надел на руку девушки перстень – божественный символ обручения. Екатерине молятся о легких родах и здоровье будущего ребенка.
«О святая дево и мученице Екатерине! Молим тя: призри на бедствия нас, грешных раб Божиих (имена), сотвори нас горняя мудрствовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прошения, можеши бо многая испросити у Возлюбленнаго Жениха твоего, Христа Бога нашего. Мы вемы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно и во веки веков».
Первые дни жизни Младенца
Три особые молитвы к Господу
Исцелить мать и дитя после родов призваны молитвы в первый день по рождению ребёнка. «Женщина, когда рождает, терпит скорбь, потому что пришел час ее; но когда родит младенца, уже не помнит скорби от радости, потому что родился человек в мир».
Священник перед дверьми дома, в котором родился новый член общества, надев епитрахаль возглашает: «Благосоловен Бог наш». Произносит Трисвятое по Отче наш, затем в Господский или Богородичный праздник – тропарь и кондак его, в прочие дни – тропари «Помилуй нас, Господи, помилуй нас».
Господу помолимся
«Владыко Господи Вседержителю, исцеляяй всякий недуг и всякую язву, сам и сию днесь родившую рабу Твою (имя), исцели, и возстави ю от одра, на немже лежит: зане, по пророка Давида словеси, в беззакониих зачахомся, и сквернави вси есмы пред Тобою. Сохрани сию, и сего младенца, егоже роди: покрый ю под кровом крилу Твоею, от днешняго дне даже до последняго ея скончания, молитвами Пречистыя Богородицы и всех святых; яко благословен еси во веки веков. Аминь».
Господу помолимся
«Господи Боже наш, благоволивый снити с небес, и родитися от святыя Богородицы и Приснодевы Марии, спасения ради нас грешных, ведый немощное человеческаго естества, прости рабе Твоей (имя), днесь родившей, по множеству щедрот Твоих. Ты бо рекл еси Господи: раститеся и умножайтеся, и исполните землю и обладайте ею. Сего ради и мы, раби Твои, молимся, и дерзающе незлобивым Твоим человеколюбием, со страхом вопием к Царствия Твоего Святому имени: призри с небесе и виждь немощь нас осужденных, и прости рабе Твоей сей (имя), и всему дому, в немже родися отроча, и при коснувшымся ей, и зде обретающымся всем, яко Благ и Человеколюбец Бог прости: яко Един имаши власть оставляти грехи, молитвами Пречистыя Богородицы и всех святых Твоих. Аминь».