Страница 18 из 19
Велможный мосце пане гетмане войска их царского пресветлого величества запорозского, а наш велде милостивый пане и ласвавый добродею. Послаыний велможности вашой добродея нашего козак Сидор Горбылецкой прибил до нас з листом велможности вашой мая 12 дня, которий лист ваш панский подлуг звиклости нашой прежней вичиталисмо и все речи, в нем вираженные, барзо добре в нем вирозумелисмо, иж ужете сими часи, постех воскресенских, засилаючи свой уже то повторний лист. Поздоровляешь нас урочастим праздником воскресеньем Христа Бога нашего, зичачи нам оный в добром здоровю опровадыти, чому и естесми велце вдячны и уже перед сим через Якова Попенка, товарища сотне переволочанской, заимним способом от вас пишучи обо всем, тим же светлим воскресением веншовали велможность вашу, рейментара своего, и теперь веншуем и всего добра и щасливого на долгие лета пановавя соусердно зичим. А при той нашой поволной зичливости, першие наши прозби и речи виражаєм до велможности вашой, же пишешь, ваша милость, до нас все едно тож а тож, а болш нечого, жебисмо з неприятелем примирье наше нам потребнее, болше не держачи, розиривали и всяким способом взялися за воений промысл, до которого дела, милость ваша, побужаешь. А помочи нам жадной и вспоможенья не грошового, не запасу борошенного не чиныш, а не тилко того, и теж люду охотного пропускати не повелеваешь, а не толко уводячи нас своими солодкими обетницами невласне детей подбаваючи уводишь, вшак ми юж перед сим не раз не два пишучи до велможности вашой виражалисмо тое в листах нашых, иж свадно помкнутися неуважне, але треба уважати и в каждих справах конца ричом угля-даты, бо ним и дни зийде солнце, жеби роса очи их не виела, а до того наибарзей, жеби вместо поправи славы стариной войсковой одвагою молодцов добрих набитой, которою весь народ славный козацкий здобытся, не привели в згубу, чего не дай, Боже, ми того себе не зичим, а вшак уже писали ми до велможности вашой, потребуючи, того по милости вашой, абись нам прислал всякое удоволствованя и вшелякие потреби до военого способу грошей с потребу на сторожу, борошенный запасы на все войско, да той слушный людем охотным аби тракт бил до нас и проход незборонний, теди того, велможность ваша, яко жыво не учинилисте, а не чините, але тилко ласкою своею потешаючи нас впевняєте, а самую речу и скутком исполныти ве хочете, теди мы не видячи от велможности вашой жадной ласки и обачносты, за для чого ж маем власне з неприятелем розмирати и що нам буде напотим за потеха якая нагорода, тилко хиба сами собе уменшимо пожитку, да и з несилою нашею противно того немирного неприятеля не могом ся застановити, але и о вшем нелга буде распостертися да и носа витинути, ежели теж цале потребуешь, велможность ваша, по нас, жеби кы розмирили, теди ведлуг первого и сего листу нашего, чого потребуем од велможности вашой, все тое неиначей учинете досить, що и ми подлуг охоти войсковой не будем болш в том деле милость вашу турбовати, а ежели би не мело тое подлуг прозбы нашой так стати и иначей одменытися, болш себе и нас не труднете да и такових писом до вас не присилайте, бо иначей стати не може; а що пишешь велможность ваша до нас, ознаймуючи нам тое, иж пресветлие монархи наши указали сего лета на военной службе быти в готовности, зичим и ми всегда остаемо до промислу военого з належитым порядком в поготове и за нами дело военное не стане да и приборов нам жадных не богато чиныти, як скоро зачуем о зближеню сил монарших, не замешкаем и примирье наше з неприятелем того ж часу розирвати, а на сей час ведомости якие себе и повоженю неприятелевом маем, ознаймуем и велможности вашой, иж сам хан кримский остает сего часу в Ядерном, орда вся оного повернула до Криму, а син его галга салтан достает в Белагороде. То все велможности вашой ознаймивши и звиш предложение речи до здорового розсудку вашего панского и уваги подавшы, на сей час и далший з унежонным поклоном ласце панской и приязве ожедуемся. Дата с Коша мая 14 дня року от сотвореня света 7198, а от Рожества Христова 1690. Велможности вашой всего добра щиро зичливий и увежоний слуга, Иван Гусак атаман кошовий войска их царского пресветлого величества запорозского низового с товариством. Велможный добродеюмосци пане гетмане, за обисканне нас гостинцем, мене самогодвадцатьми левами и всей старшины зо мною по 8 левах, которий гостинец и дар од велможности вашой дойшол рук нашых, за що упавши до ног, яко пану и реемеатару своему, чинимо, як найпокорнейшее подякованне, и обецуемося всим добрим одвдячати и зычливыми услугами одслуговати, тилько покорне, а покорне просимо велможности вашей, хтей прозбу всего войска нашего запорозкого исполните и жаданнию их досыть учинити неиначей, прекладаем теж и скаргу пред велможностию вашею на врад переволочанский, именно на сотника и шапара, в таковии способ и в таковой мери, иж незносной кривди, збитки и беды над людми зостаючи так чинят, а ше болшая из нас войска запорожзкого насмехаются, мовячи так до людей, же не возите туда болш ничого, тилко деготь да горелку, теды нам чуючи тое, есть великий жаль и скорбь на тих неуважных людей; просимо и велможности ваштой, не хтей им того оставити»[33].
С. 254–255. «1690 года, июля 10 дня. Листы Прокопа Лазуки, который был у короля в Польше, Ивану Мазепе.
Милостивий добродею их царского пресветлого в-ва войска запорозского гетмане, пане мой милостивый. Милостивий добродею, будучи я на сейме у Варшаве од вуйска запорозского низового, зачим ознаймую, яко зичливий тобе и просветлим царом, щом чув од короля тюлко сам на сам и на чум сейм став. Першая: на сем лете сейм не будет, другая, же з ордою змиратись, тюлко нишком будцем на орду ити, так поголоску пустили; теперь татарский посел есть доехався у Варшаве, Камянец отдают будцом через меч будут его ляхи добывати знову; ми (=мне) зуст мовав крюл: почекайте мине строхи, дети, бо я, яко зичливий вам своем подданним, хочу вас одибрати, аби з вас и з нас, не смеявся нехто, на что и до кошового лист не писал одлуг того, бо казав, же вас пилную, але я тобою пошлю, же скарбом ув осени и лист до вас опотай, жеби ми зийшли о них стихо, ознаймую твоюй милости тую ведомость од многих манарх, що ми крюл говорив, бодай ему Буг не до помог; и нулем знову зуст крулевских, же коло Полоного будут суна робити и около Бердичева, также и войско буде зимовати там же будцем то на татар ударити. Ласти тие, которие крюль будет посилати до Сечи, и присилай, милостивый добродею, того ж человека, которому я видам, бо человек мудрий и сведомий; лист, которий до гетмана полного бил написан из Сечи, а другой до короля, крулевский, отдав королеве, а гетманский у себе задержав, которого милости твоюй пасилаю для лепшого вырозумленя, на того человека, милостивий добродею, будь ласкав, бо гди ж теперь утратив, бо не мало худоби покинувши у Немирове дав собе поголосок, же яко б мели татари его за местом узати, гди жив Кюрчаку татаре его розбили и сам мало у неволю не попався, шо ознаймивши милости твоюй панской, зостаю яко зичливий преслетлим осударам и тобе милостивому пану и добродееви своему, еще устне одну речь той же самой человек скажет барзе секретную, що я од гетмана полного чув и своема очима бачив. Милости твоюй Процик Лазука, повкувник на той час будучи. Року 1690, дня 10 лапця числа у лядзском календару»[34].
Раздел 2
Документы и материалы XVIII века
Летопись событий в Юго-Западной России в XVII-м веке. Составил Самоил Величко
Летопись событий в Юго-Западной России в XVII-м веке. Составил Самоил Величко, бывший канцелярист канцелярии войска Запорожского, 1720. Издана Временною Комиссиею для разбора древних актов. Киев: Лито-Типографическое заведение Иосифа Вальнера, 1848.
Печатать позволяется с тем, чтобы по отпечатании представлено было в Ценсурный Комитет узаконенное число экземпляров. Киев 1848-го Мая 7-го дня.
33
Архив министерства иностранных дел; малороссийские подлинные акты, 1690 год, мая 14 дня, связка 7, № 665–646.
34
Архив министерства иностранных дел; малороссийские подлинные акты, 1690 года, июля 10 дня, св. 7, № 680.